Borradh i mbásanna feirmeoireachta in 2025 - feirmeoirí níos sine is leochailí

A chara,

Táim ag scríobh chugat chun impí ort tús áite a thabhairt do do shábháilteacht féin agus do shábháilteacht gach duine ar d'fheirm. 

Tá imní mhór orm faoin méadú suntasach ar líon na mbásanna feirme i mbliana, treocht a chaitheann scáil fhada ar ár bpobail feirmeoireachta agus tuaithe. 

Tá 16 bás deimhnithe ar fheirmeacha i mbliana, figiúr atá ar an drochuair níos mó ná an t-iomlán do 2024 ar fad. 

Tá feirmeoirí níos sine thar a bheith leochaileach, agus feirmeoirí os cionn 65 bliain d'aois freagrach as naoi mbás ar fheirmeacha i mbliana.

Tá baint dhíreach ag na básanna atá á fheiceáil againn le cinntí agus gníomhartha a dhéantar agus muid ag obair le feithiclí agus innealra, le beostoc agus ag obair ar airde.

Tá a fhios againn go mbíonn thart ar 4,500 teagmhas neamh-mharfach gach bliain ar fheirmeacha na hÉireann, agus bíonn gortuithe a athraíonn saol mar thoradh ar chuid acu.

Táim ag impí oraibh tús áite a thabhairt don tsábháilteacht thar aon rud eile. Impím ort:

Tabhair aird ar do chumas oibre agus oiriúnaigh do ghníomhaíochtaí dá réir. I gcás feirmeoirí níos sine go háirithe, bíonn tionchar ag fachtóirí amhail folláine choirp, tinneas, cógas agus tuirse ar a gcumas.
Pléigh tascanna feirme leis an teaghlach agus le hoibrithe feirme agus béim á leagan ar shábháilteacht agus ar shláinte. Faigh cabhair nuair is gá duit í.
Déan measúnú ar an ngá atá agat conraitheoirí inniúla a fhostú le haghaidh tascanna a mheasann tú a bheith dúshlánach nó chun d’ualach oibre a laghdú.

Tá sé ríthábhachtach d’obair a oiriúnú le haghaidh sláinte ar feadh an tsaoil.

Ní hamháin go bhfuil do shábháilteacht faoi ghortuithe agus básanna a chosc, ach faoi aire a thabhairt do do shláinte agus d'fholláine freisin.

Cé nach mbíonn do chuid oibre déanta i ndáiríre ar an bhfeirm riamh, tá sé tábhachtach go mbeadh am agat do leasanna lasmuigh den fheirm.

Cibé acu laethanta saoire leis an teaghlach, cluiche cártaí, dul chuig cluiche peile nó caitheamh aimsire eile atá i gceist, tá sé ríthábhachtach dár sláinte agus folláine fhadtéarmach na spéiseanna seo a chothú ar feadh ár saoil.

Is tragóid í cailliúint fiú beatha amháin.

Táimid faoi chomaoin dúinn féin, dár dteaghlaigh agus dár bpobail sábháilteacht, sláinte agus folláine feirme a chur chun tosaigh.

Le gach dea-ghuí,

Michael Healy-Rea TD,

Aire Stáit le freagracht speisialta as Foraoiseacht, Sábháilteacht Feirme agus Gairneoireacht.

*Tá an litir seo á cur chun cinn ag an Roinn Talmhaíochta, Bia agus Mara*